Hindi ko dine-delete yung conversation namin. Hindi ko rin binabasa. Basta andun lang. Parang siya.

Pag tinanong ako ng tita ko kung "kailan ka?", sasagot na ako ng "pag naipon ko na po yung down payment sa bahay" — natahimik lahat. Try niyo.

Yung marriage pressure sa akin hindi galing sa magulang ko. Galing sa mga kasal na kaklase kong ang gaganda ng prenup photos.

May jowa akong mahal na mahal ako. Yung problema, hindi ko alam kung mahal ko pa siya o sanay na lang ako. Takot akong alamin.

Tinuruan ko siyang magmahal nang maayos. Graduate na siya. Sa iba na siya nag-apply.

Sinabi ko sa kanyang "sana masaya ka na". Sincere ako dun. Pero sana hindi masyadong masaya. Konti lang.