Kumaway sa direction ko yung tao, kumaway ako pabalik. Hindi pala ako yung kinakawayan. Smooth transition sa pag-aayos ng buhok.

Bumibili ako ng gulay na alam kong masisira lang sa ref. Hindi ko binibili yung gulay e. Binibili ko yung version ko na magluluto sana.

Yung online seller na "last 2 stocks na po" since 2024, hinahangaan ko na yung consistency.

Sa jeep ako nagpa-practice ng "para po". Kinakabahan pa rin ako kada sasabihin ko. 28 na ako.

Yung kapitbahay naming nagvi-videoke ng "My Way" tuwing Linggo, 7 taon nang sintunado. Pero nung tumigil siya ng isang linggo, nag-alala ako. Kamusta na kaya siya?

Yung mga sumasakay ng elevator para umakyat o baba ng isang floor, sobrang jinujudge ko kayo. STAIRS. May stairs po. Parang bahay lang.